Lyrik

N E I   I N ‘   H I M M I

Nei in’ Himmi führt a Weg
Übern Auer Mühlbachsteg;
D’Antn schwimma drunter hi,
Schreit a Göckerl “Kikriki”!

Häusln hocka dor am Bach
Mit moosgraabm Schwindlddach;
Drinna wohnt as guate Gmüat
Und a uralts Auer Liad:

Refrä: Drunt in der greana Au
Steht a Birnbaum schö blau – juchhe!
Drunt in der greana Au
Steht a Birnbaum schö blau.

In der niedern Hausdachrinn
Liegt der Wohnungsschlüssl drin;
Wer si Weng auf Zeha stellt,
Hat vor sich de ganze Welt.

Hinterm Fensterl eng und kloa,
Dort’n hinterm Fürhang vor,
Mit kohlschwarze Kulleraugn
Tuat a rassigs Jungferl schaugn:

Refrä: Drunt in der greana Au…

Ja, “Am Durchlaß” wachst a Rass’s,
Hat am Lebn an bsondern Spaß,
‘s Glück, es braucht koan Prunkpalast,
Weil’s ins Kammerl einipaßt.

A Kanari in bam Bauer
Zwitschert an der Häuslmauer,
Singt a Liadl voller Freud,
daß d’as hörn kannst weit und breit:

Refrä: Drunt in der greana Au…

Spät geht der Laterndlmo,
‘s Liachtl in der Stanga dro,
Dasi durch die Sterndlnacht,
Und der Mond, der leucht und lacht.

Hoamli knarzt a schlafe Stiagn,
Und a Kind greint in der Wiagn,
Bal ums Eck der Föhnwind waaht,
Und a Brünndl bischpert staad:

Refrä: Drunt in der greana Au …

• Karl Valentin “…die Zukunft war früher auch besser…”
• Maria Kellerer In der Au, da bin ich geborn, in der Au, bin a Lausdeandl worn, hab g’schussert, hab Roaf triem, hab Reiba und Schande gspuit und war wia zehn Buam so wuid. Hab..
• Paul Ernst Rattelmüller Ma mechts net glam, wos ma ois siegt und wos für Unglücksfälle s giebt. Oamoi hot se da Dichtl ..
• Sigi Sommer Der Auer Mühlbach hat eine lange Vergangenheit. Weit zurück…